“Afonia”

“Afonia” https://www.gaztezulo.eus/albisteak/afonia/@@download/image/49p14-2.jpg
2005/02/04
kritika
Testua: B. Malone
Afonia
49.zenbakia
Hernani herritik dator Afonia taldea, eta hauxe dute lehen maketa. Garai bateko punk zuzena atsegin duen entzuleak –eta ez gaur egungo mukitsu askok egiten duten patxanga hori!- hauxe izango du bere gustuko taldea. Abeslariaren ahots urratuak kanporatu egiten ditu hitz zuzenak, eta oinarri erritmikoan, baxuak du protagonismo gehien. “Kontuz”, “Komunikabide madarikatuak” eta “Gure belaunaldia” kantetan, baxua gora eta behera dabil etenik gabe; hori baita, taldearen ezaugarrietako bat. Maketako azken bi abestiak -“Auto batean” eta “Cid”-, Uk Subs talde mitikoaren bertsioak dira. Charlie Harper eta Nicky Garrat jaunek izango ote dute Hernaniko gazte lotsagabe hauen berri?