Adventureland

Judd Appatow da umore estatubatuar berriaren aitabitxia. Haren itzalean hazi da Greg Mottola, Superbad (2007) komedia gazi-gozoaren zuzendaria. Unibertsitate ikasle harroxko baten bizipenak dakarzkigu Mottolak oraingoan. Europan barrena bidaiatzea du amets Jamesek, baina herriko jolas-parkean lanean igaro beharko du uda. Lagun onak ez ezik, bihotzeko neska ere aurkituko du bertan gazteak. Komedia arin eta entretenigarria da.