Abian da euskal moneta ekologikoaren izena aukeratzeko bozketa

Tokikoa, euskalduna, ekologikoa eta solidarioa. Ekonomiaren zati bat bertokiratuz, tokiko trukaketei lehentasuna emateko proiektua jarri dute martxan Ipar Euskal Herrian. Aztarna ekologikoa murriztea eta euskararen erabilpena eta lekua garatzea dira, bertzeen artean, bertako moneta sortzeko egitasmoaren helburu nagusiak.

---

Pasa den urte amaieran, 2011ko irailan, eman zituzten Ipar Euskal Herrian bertako moneta sortzeko lehen urratsak, Alemaniako Bavaria eskualdeko esperientzian oinarrituta. Dagoeneko proiektuak aurrera egin du eta Euskal Herriko jendarteak proposatu zituen 328 izenen artean zazpi izen aukeratu dituzte.
Datorren ostegunera bitarte, maiatzak 10era bitarte, webgunearen bitartez izenak bozkatzeko epea zabalik da, eta gainera, datorren igandean, maiatzaren 13an, Senperen izango den Herri Urratsen bozka kutxetan bozkatzeko aukera ere izango da, goizeko 9:00etatik arratsaldeko 15:00etara, Artisauen txokoan, sarrera nagusiaren ondoan.