AA batek bezeroen arreta zerbitzuetara haserretuta deitzen dutenen tonua leundu lezake

SoftBank erakunde japoniarrak Adimen Artifizialarekin (AA) ahots prozesatu bat garatzen ari da, haserre deitzen duten bezeroen ahots tonua leuntzeko. AA honek ahots haserretuen tonuak lasaitzen ditu, mezu originala galdu gabe.

Banketxe honek espero du erakundearen barruan eta erakundetik at probatu ahal izatea teknologia berria. 2025. urterako erabilgarri egongo omen da.

“Emozioak errekonozitzen dituen teknologia bat garatzen ari gara AAren ahotsak bezero haserretuen tonua baretzeko” azaldu du enpresak komunikatu batean. Teknologia honen helburua arreta zerbitzuetako langileen “karga psikologikoa arintzea” da, bezeroen “jazarpenaren” aurrean.

“Irtenbide honekin arreta zerbitzuetako langileen karga psikologikoa arintzea espero dugu eta bezeroei zerbitzu hobea eskaintzea”, informatu du erakundeak.

Erakundearentzat garrantzitsua da bere langileen ingurunea atsegin mantendu eta zaintzea, bezeroei zerbitzu hobea eman ahal izateko.