“Gamer”-en bostetik bat LGBTQI kolektibokoa da
Bideojokoaren industrian LGTBQI-ren inklusioaren egoerari buruzko txostenak erakutsi duenez, geroz eta jokalari gehiago identifikatzen dira homosexual, bisexual, transgenero edo queer bezala, baina bideojokoetan ez dira ordezkatuak azaltzen eta hauen presentzia ia salbuespenezkoa da.
Irabazi asmorik gabeko GLAAD taldeak LGTBQI kolektiboaren defentsan lan egiten du eta berriki bideojokoen inguruko bere lehen txostena argitaratu du. Bertan erakusten du 13-55 urte bitarteko gamer-en %17 LGBTQI bezala identifikatzen direla. Igoera esanguratsua da 2020an Nielsen Games-ek asgitaratutako %10eko kopuruarekin alderatuta. Zenbaki hau datozen urteetan igo egingo da ikerketaren arabera. 35 urtetik gorako %23-28 jokalari LGTBIQ bezala identifikatzen dira eta Z Belaunaldiko bostetik ia batek dio homosexuala, bisexuala edo transgeneroa dela. Alalabaina, bideojoko gehienek ez dituzte pertsonaia edo LGTBQI istoriorik. Txostenasren arabera, joko inklusiboak %2 baino ez dira liburutegi digitaletan Xbox, Playstation eta Nintendoren joko guztiak kontuan hartuta.
Ikerketak behatu duenez Nintendo eShop da LGBTQI bezala etiketatutako joko gehien dituena, ondoren Playstation legoke, Microsoft eta Steam. Testuinguru honetan GLAAD ohartu da jokoaren industria iragarkiaren industriaren atzetik doala: berrikusi ziren iragarkien %3k LGBTQI kolektiboa ordezkatzen dute. Telebistan, berriz, telesailen %10,6k dute, ikerketaren arabera, LGBTQI pertsonaia ohikoren bat 2022-2023 denboraldian eta pelikulen hamar banatzaile nagusienek, —%28,5eko kopuruarekin— pertsonaia LGBTQI pertsonaien bat txertatzen dute euren produktuetan.
LGBTQI audientzia zaintzea ona litzatekeela erakundeentzat arrazoitu du GLAADek. Izan ere, queer jokalariek 1,4 aukera gehiago dituzte bere generoarekin bat egiten duen pertsonaia duen bideojoko bat erosi edo jolasteko. Gamer-en%29k nahi luke LGBTQI istorioak egotea jokoetan eta LGTBIQ jokalarien %70k (eta kolektibo honetakoak ez diren jokalarien %46k) aukera gutxiago dituzte jokoak erosteko hauek kolektiboarekiko estereotipo kaltegarriak badituzte. “Bideojoko erakunderik gehienak LGBTQI pertsonaiekin jokoak sortzea ekiditen ari dira, asumitzen dutelako jokalarien gehiengoa ez litzatekeela mota honetako jokoetan interesatuko”, dio ikerketak. “Alta, gure ikerketak aurkakoa iradokitzen du”.
Etorkizunera begira, GLLADek bideojokoen industriari LGBTQI adituei aholkua eskatzeko exijitzen die eta agintaritza postuetan kolektiboko pertsonak gehitzeko, bideojokoak geroz eta inklusiboagoak izan daitezen. Txostenak ederki laburbiltzen du guztia: “Mezua argia da: jokalariek LGBTQI ordezkapen inklusiboagoa nahi dute bideojokoetan eta beraz, industriak inklusiboagoa bilakatu behar du”.
