Zuzeneko musikaren falta sumatzen duzu? Kontzertuen gaineko ikus-entzunezko proposamenak!

1- Metallica: Live Shit - Binge & Purge, San Diego (1993)

Metallicaren zuzeneko emanaldia San Diegon 1993an.

2-Amazing Grace-Aretha Franklin (1972)

1972ko urtarrilean Aretha Franklin-ek bi egunez jo zuen Wattseko (Los Angeles) New Temple Eliza Bataiatzailean gospel kontzertu  berezia emanez, bere diskorik salduena izango zena grabatuz, "Amazing Grace". Sydney Pollack zuzendaria buru zela,  filmaketa talde batek filmatu zituen saioak, baina artxiboko materiala bobeda batean amaitu zuen, eta lau hamarkadaz XX. mendeko musikaren altxor galduetako bat izan da. 2008an Pollack hil aurretik, filma osatzeko nahia adierazi zuen.

Non ikusi? MOVISTAR

3- Negu Gorriak - Geurea da Garaipena (2001)

Euskal eszenak eman duen talderik ezagunenetakoak 2001ean esan zuen agur Donostiako belodromoa betez. Iñigo eta Fermin Muguruza buru zuen taldea aspaldi zegoen geldirik jada, baina tribunalek arrazoia eman ziotenean itzultzea erabaki zuten. Taldeak Galindo jeneralarekin liskar judiziala zuten Ustelkeria abestian berau aipatu zutelako eta horregatik salaketa jarri zien. Azkenean, epaileak taldeari arrazoia eman zion. Hori ospatzeko azken bi kontzertu antolatu zituzten, bata Baionan eta bestea, azken-azkena, Donostian. Hementxe ikusgai kontzertu historiko hura:

4- Ramones: It's Alive (1977)

Ramones talde mitikoak 1977ko abenduaren 31n Londresko Rainbow Theatren eman zuen kontzertua. 1979ko apirilean kaleratutako disko bikoitz mitikoa, eta historiako punk diskorik onenetako bat kontsideratzen dena. Taldearen kanal ofizialera igota dagoela aprobetxatuz, hemen zuen gozamenerako irudiak:

Non ikusi?

5- Berri Txarrak - Zertarako Amestu (2005)

2005ean ‘Jaio.Musika.Hil’ lana kaleratu ondoren, Berri Txarrak-ek ia 200 kontzertu eskaini zituen mundu osoan zehar: Nikaragua, Mexiko, Estatu Batuak, Japonia, Taiwan, Irlanda, Alemania, Suitza, Belgika… Nazioarteko ateak ireki zizkien bira luze honetan taldeak eskuko kamera eraman zuen aldean, eta bizitakoak jasotzeko xedez dokumental bat atondu zuen 2007an. Bertan rock talde batek bidean senti dezakeena ikus daiteke bertatik bertara, diskoaren grabaketa molde berezia (estudio batetik kanpo, Erasoko baserri batetan) eta haren nahasketa Kansasen… taldekideez gainera Marino Goñi (GOR), Karlos Osinaga (Lisabö), Tim McIlrath (Rise Against), Ryan Pope (The Get Up Kids), Ed Rose (Black Lodge Studios) eta abar luze bat ageri da euren iritziak ematen. Zuri-beltzezko dokumental hau (70 min) munduko hainbat zine jaialditan sailkatua izan zen, Portobello Film Festival (UK) edo Gasteizko Zinemastean  esaterako. Dokumentalaz gain, zuzeneko berezi bat ere badakar, hirukoak Gernikako Astra gaztetxe zaharrean beren beregi eskaini zuena. Horretarako 300 sarrera soilik jarri zitutzen salgai eta batere eszenatokirik gabe jotzea deliberatu zuten, lurrean bertan eta zaleek inguratuta

Non ikusi?

6- Neil Young: Heart of Gold (1972)

 
Neil Young musikaria eta Jonathan Demme zine zuzendaria elkarrekin aritu dira behin baino gehiagotan, baina agian hemen, lehenengo kolaborazioan, sentitu dira erosoen biak.  'Heart of Gold , kantaria burmuineko aneurisma batetik errekuperatu eta gutxira grabatu zuten Nashvillen.

Non ikusi? Amazon plataforman

7- The White Stripes- Under Great White Northern Lights (2010)

Kontzertu honek, Kanadan zehar egiten ari ziren azken emanaldietako baten irudiak biltzen ditu, The White Stripes taldearen ibilbideko azken diskoa izango zena. Filmeko azken eszenak Jack pianoan eta Meg bere laguna, sorbalda gainean negarrez dituela ikusiko dituzu.

Non ikusi?

8- SIGUR ROS- Heima (2007)

Zoragarria iruditzen zait ikus-entzunezko hau. Lan delikatua eta patxadaz gozatzekoa, 2006ko udan Islandian zehar egindako biran oinarritzen dena. Biran zehar, taldeak aire zabaleko kontzertu handiak eta eskala txikiko beste batzuk tartekatu zituen. 2007ko apirilaren 22an Gamla Borgen, Borg hiri txikiako kafetegi batean, senide eta lagunentzat egindako kontzertu akustiko baten irudiekin osatu dute dokumentala. Ezinbestekoa.

Non ikusi?

9- The Last Waltz (1978)

1976an filmatutako rock munduari buruzko dokumentala, Martin Scorsesek "The Band" en agurreko kontzertuak filmatu zituen, horien artean Bob Dylan, Van Morrison, Neil Young, Joni Mitchell, Neil Diamond, Eric Clapton eta azken hamarkadetako beste rock figura mitiko batzuk.

Non ikusi? FILMIN PLATAFORMAN

10- Stop Making Sense- Talking Heads (1984)

Jonathan Demmek 1984ko Talking Headsen biran gainbegiratu zuen eszenaratze bikaina. Aditu askok diote, zeluloidean inoiz filmatu den kontzerturik onena dela.

Non ikusi? FILMIN PLATAFORMAN

11- johnny Cash - Folsom Prison Blues (1958)

1958ko urtarrilaren 1ean eman zuen lehen emanaldia presondegi batean Johnny Cash-ek San Quentinen, eta horrela eman zion hasiera kartzeletan eskaini zituen kontzertu-sortei. Binilo pare bat argitaratu zituen: Johnny Cash in Folsom Prison (1968) eta Johnny Cash in San Quentin (1969).

12- Queen- Live at Wembley Stadium (1986)

13- Damien Rice - Live at Best Kept Secret FestivaL

14- Kerobia- Bilboko Kafe Antzokian (2010)