Zabalik da ‘Rockomikiak. Binetak eta Doinuak’ erakusketa Gasteizen

Zabalik da ‘Rockomikiak. Binetak eta Doinuak’ erakusketa Gasteizen https://www.gaztezulo.eus/albisteak/zabalik-da-rockomikiak-binetak-eta-doinuak-erakusketa-gasteizen/@@download/image/rockomikiak_1426501318.jpg
2015/03/13
berria
Erredakzioa @Gaztezulo
Martxoaren 7an zabaldu zituzten Oihaneder Euskararen Etxeko ur biltegiko ateak, maiatzaren 3ra bitarte ikusgai den ‘Rockomikiak. Binetak eta Doinuak’ erakusketarako. TMEOk, Hala Bedi irratiak, Sancho el Sabio fundazioak eta The Arlotesek parte hartu dute erakusketaren antolakuntzan.


Donostiako Koldo Mitxelena Kulturunean ikusgai izan zen Rockomikiak binetak & doinuak erakusketan oinarrituta, Gasteizko OIhaneder Euskararen Etxean jarraipena emango diote maiatzaren 3ra bitarte, 80. eta 90. hamarkadan musikaren, hitzen eta irudien bitartez sortutako kultura biltzen duen erakusketan.

Erakusketaz haratago ere iritsiko da ekimena eta hitzaldiak, ikastaroak, bisita gidatuak eta askotariko ikuskizunak nagusituko dira datozen egunotan. Apirilaren 1era bitarte, adibidez, ikastetxeeei zuzendutako bisita gidatuak antolatu dituzte, eta doako tailerrak ere azpimarratzen dituzte antolatzaileek.

Erakusketa maiatzaren 3ra bitarte, asteartetik igandera izango da ikusgai, 11:00etatik 14:00etara goizetan, eta 18:00etatik 21:00etara arratsaldez, eta igande arratsaldetan eta astelehenetan, aldiz, itxita.

Egitaraua



Hitzaldiak:


Martxoak 14, larunbata (12:00)
Juanma Sarasola, Moskuko urrea liburua
Kultur eta gizarte mugimenduen eztanda Irunen, 1983-1993"

Martxoak 25, asteazkena (19:30)
Garbiñe Ubeda, Eta emakumeak non zeuden?

Martxoak 31, asteartea (19:30)
Aritza Saenz del Castillo, "Jaungoikoak lehendakaria babes dezala"
Euskal Herriko rock erradikaleko erretorikaren interpretazio libertarioa

Apirilak 15, asteazkena (19:30)
Harkaitz Cano, musika euskal literaturan eta komikigintzan

Apirilak 17, ostirala (19:30)
BADOK.info atari berrituaren aurkezpena + Amorante kontzertuan


Ikuskizunak:

Martxoak 27, ostirala (19:30)

Bingen Mendizabal – Mikel Valverde
Musika eta komiki baten sorkuntza zuzenean


Bisita gidatuak:

Martxoaren 10etik apirilaren 1era (ikastetxeei zuzenduta)
Asteazken eta ostegunetan: 10:00-11.30 / 11:30-13:00
Astearte eta ostiraletan: 10:00-11:30

Martxoak 18, asteazkena (19:30)
Koldo Almandoz -David Zapirain
Erakusketaren komisarioen bisita gidatua

Martxoak 21, larunbata (12:00)
Iñaki Otamendi, Dabilen harria bisita-hitzaldia


Tailerrak:

Martxoak 16,18,23, 25 (18:00-19:30)
Wikipedia tailerra, Xabier Armendaritz

Apirilak 13,14,15,21 (18:00-20:00). Apirilak 17, (16:00-20:00)
Bideoklip tailerra , Maider Oleaga (*)

Apirilak 15,16,20,22,23 (18:00-20:00)
Marrazki bizidunen tailerra
The Arlotes, Ruben Sanchez (*)
(*) DBH eta Batxillergoko ikasleei zuzendua.