The Stepford Wives (Las mujeres perfectas / Lhomme crea la femme) **
Ira Levin idazlearen zientzia-fikziozko eleberri arrakastatsu baten zinema egokitzapen kaskarra dakarkigu Frank Oz zinemagileak. Stepford herrixkara joan da bizitzera Joanna Eberhart ederra senarrarekin. Bertan, bizilagun guztien emazteak oso atseginak dira. Atseginegiak, beharbada. Handik gutxira, auzoko gizonezkoek emazteak haien desio guztiak asetzen dituzten emakume itxurako robot erakargarri eta otzanengatik ordezkatu dituztela ohartuko da Joanna Eberhart xaloa. Suspensezko thriller erdipurdikoa da.
