The harrowing of the north

Proposamen berezi bezain interesgarria. Ingalaterrako Erdi Aro korapilatsuko gertaera beltzenetako bati jarritako soinu banda, ez gutxiago. William Konkistatzaileak X. mendean Ingalaterra iparraldean gidatu zituen zortzi sarraskietan inspiraturiko zortzi mugimenduz osaturiko hogei minutuko abesti instrumentala daukagu hasteko. Bigarren eta azken kantek ere gai bera jorratzen dute ordu laurdenean zehar, baina beste ikuspuntu batetik. Biak ala biak instrumentalak dira, doom kutsukoak eta, beren sinpletasunean, mugimendutan aberatsak. Hasieran astuna dirudi. Murgiltzea lortzen badugu, gozatu ederrak hartuko ditugu.