Tabako enkanteak

Tabako enkanteak https://www.gaztezulo.eus/albisteak/tabako-enkanteak/@@download/image/mundua_lilongue_1370509878.jpg
2013/06/10
albiste-laburra
Lilongüe Malauiko hiriburua da eta itzelak dira bertan egunero-egunero enkantean jartzen diren tabako kantitateak. Herrialde osoan lau enkante-planta daude, baina Lilongüekoa da handiena, eta ekaina eta uztaila izaten dira hilabete mugituenak: egunean, goizeko 7:30etatik 10:00ak bitarte, 50.000 bat fardo saltzen dituzte, prezioa hostoen luzeraren, kolorearen eta kalitatearen arabera finkatuta. Malauin bi milioi biztanleri ematen die lana sektoreak, eta atzerritik sartzen den diruaren %70 da. Bezero nagusiak: merkatu asiar eta europarrak.