Supertramps ***
Irusoin eta Dibulitoon zinema ekoiztetxeen elkarlanaren emaitza berria da Supertramps. Hiru dimentsiotako marrazki bizidunetako filma da, eta etxeko txikienei dago zuzendua, bereziki. Gizarteak baztertutako animalia talde baten abenturak kontatzen zaizkigu bertan. Familia aberats baten katemea galdu da, eta Tano katu beltzaren eta haren lagun atseginen auzo txiroan azaldu da. Giza bazterketaren metafora den arren, film entretenigarria da oso. Salaketa soziala eta umorea oreka handiz uztartzeko gai baita. Merezi du, benetan.
