SEXUMATOIA: UNAI RIBERA
“INOZOARENA EGITEAK FUNTZIONATZEN DU LIGATZEKO”
![SEXUMATOIA: UNAI RIBERA SEXUMATOIA: UNAI RIBERA](https://www.gaztezulo.eus/albisteak/sexumatoia-unai-ribera/@@images/d0da1693-a583-4e50-b1f4-006f9b70ffbc.jpeg)
UNAI RIBERA (DONOSTIA, 2000), DJ LA FULANA, SALTSA ASKOTAN IBILTZEN DA ETA BEHIN BAINO GEHIAGOTAN TXUNDITU GAITU BERE HAUSNARKETEKIN. LIGATZE KONTUEZ ETA SEXUAZ ARITU GARA BERAREKIN.
- Zein da zure film erromantiko gogokoena?
Ez zaizkit pelikula erromantikoak bereziki gustatzen. - Eta noizbait bero-bero jarri zaituen telesaila?
Sense8 (Lana eta Lilly Wachowski, J. Michael Straczynski, 2015-18). - Noiz eman zenuen zure lehen musua?
13-14 urterekin, eta xelebrea izan zen. - Joango al zinateke zita batera itsu-itsuan?
Ez naiz ikusten dudanaz fidatzen, itsu-itsuan joateko moduan… - Zer da zita batean inoiz esan behar ez dena?
“Ardura afektibo handia daukat”. - Zer da lehen begiratuan segituan erakartzen zaituena?
Sorbaldak. - Inoiz eman al dizute kalabazarik?
Ortu bat dut! - Zein da ligatzeko erabili duzun trikimailurik onena?
Inoiz ez dut oso ondo ligatzen jakin, baina inozoarena egiteak ondo funtzionatzen du. - DJ lanetan gehiago ligatzen al da?
Hala uste dut, baina ez dut alde handirik nabaritu. - Zer da sare edo aplikazio bidez ligatzerakoan gertatu zaizun gauzarik bitxiena?
Jende normala aurkitzea. - Zer menu prestatuko zenuke zita baterako?
Zerbait erraza eta gutxi zikintzen duena.
- Ligatzeko ‘playlist’-ik badaukazu?
Trap Queen-en edozein abesti. - Inoiz eman dizuten gomendiorik onena ligatzeko?
“Atera hortik”. - Zein da zurekin oheratzeko hobekien funtzionatu duen esaldia?
“Niri ez zaizkit mutilak gustatzen, baina…” - Maniarik ba al duzu oheratzerakoan?
Sexua pornografiatik ez ikasi izana. - Etxeko zein txoko da zuretzat onena sexurako?
Sofa. - Zein da zure fantasiarik zoroena?
Errenta aitorpena itzultzera ateratzea. - Inoiz egin al duzu txortan leku publiko batean?
Exhibizionismorik ezin da egin. - Larrutan egin duzun lekurik gogokoena?
Kotxea. - Zer da inoiz egin dizuten proposamenik zoroena?
Ez dut oso bizitza sexual exotikoa izan. - Sexuan izan duzun esperientziarik gozagarriena?
Jende jatorrarekin. - Eta traketsena?
Jende tontoarekin. - Zer da probatzera ausartuko zinatekeen gauzarik bitxiena?
Oso klasikoa naiz. - Eta sekula probatuko ez zenukeena?
Koprofilia.