Scroll bertikala Instagrameko stories-etan
Ane Urrutikoetxea @aneurruti
Instagram sare sozialen errege izan nahi du, eta horretarako, ez du inguruko sareak imitatzeko beldurrik; hala, TikTok bere lehiakide gogorrenak eskaintzen duen aukeretako bat imitatzea erabaki du, eta hemendik aurrera, stories batetik bestera igarotzeko scroll-a (behatz mugimendua) bertikala izango da horizontala beharrean.
TechCrunch-en argitaratu dutenez, TikTok imitatzeko saiakeran pauso berria ematea erabaki du Instagramek, scroll bertikala jarriz; hau dagoeneko existitzen da Reels-etan, Instagrameko bideo azkarretan (TikTok imitatzeko beste saiakera). Oraingoz, scroll bertikala Instagrameko app-aren iturri kodean agertu da soilik, baina laster ohitu beharko gara hatza ezker eskuin mugitzetik gora eta behera mugitzera.
