"World Music"

World music, munduko musika. Zer esan nahi dute disko bati izenburu hori jartzen diotenean? Ez da asmatzen erraza; teorian, musika guztiak baitira munduko musikak, ezta? Herri bakoitzak duen musika tradizionalaz ari dira, agian? Baina zein da herri bakoitzak duen musika tradizionala? Gaur egun Kuban egiten den musikak ba al du zerikusirik duela seiehun urte egiten zenarekin? Finean, Nascente disketxeak, izen honekin kaleratu duen disko bilduma hirukoitzean, munduko hainbat herritako (Kongo, Senegal, Kuba, Puerto Rico, Eskozia, Brasil, Mali...) musika erakustea beste helbururik ez du izan. Bidaia ona izan ezazue.