"Skank"

Jolasteko prest dauden freestylers-ak. Skank soinuan oinarritutako kantuak. Reggae, ska, ragga, breakbeat eta dantza festa. Arrakastarako osagai guztiak ditu disko honek; erritmo dantzagarriak, hitz errazak, kantu ezagunen sanplerrak —Sister Nancy-ren "Bam Bam" edota Skatalites-en "Phoenix City" eta James Brown-en "Make it funky"—, ragga eta soul ahotsak, eta modako erritmoak. Hala eta guztiz ere, berehala aspertzen duen horietako diskoa da. Ideia ona da, baina diskoak mami gutxi dauka.