"Obras escondidas"

Lehen diskoarekin batera garagardo eta pintxo bana ematen zuten 1985ean sortutako talde honek 2002an esan zuen adio. Josele Santiago gitarrajole eta idazle trebearen bandak ez ohizko zuzenekoa dakar. Bertan, emanaldietatik kanpora gelditutako abestiak bildu dituzte. "Sueña (por mí)", "La paella" eta gainontzekoak aurreneko aldiz irten dira binilo kaiolatik, euren kanturik ezagunenak bezain harro. Denborak eman beharko du agur honek gaztelerazko rock-arentzat dakarren galeraren tamaina.