"Gorkhiru"

Laukote gipuzkoar honek funk-a eta soul-a maite ditu. Eta horretaz jabetzeko, lan hau entzun besterik ez dago. Dena dela, bestelako doinuak ere atsegin dituzte: jazz-a, folk-a, rock-a… Entzun ezazue, bestela. Abesti gehienak Gorka Lasa donostiarrak—garai batean Momau taldeko pianojotzailea— egin ditu. Guztira, zortzi kanta bildu dituzte; dotoreak, biribilak. Ederra, diskoko lehendabizikoa: “Tximutik edo tximura?”.