Nafarroa Bizirik ekimenak Lip-Dub herrikoia egingo du maiatzaren 13an

Nafarroa Bizirik ekimenak Lip-Dub herrikoia egingo du maiatzaren 13an https://www.gaztezulo.eus/albisteak/nafarroa-bizirik-ekimenak-lipdub-herrikoia-egingo-du-maiatzaren-13an/@@download/image/20124181176NB-logotipoa-ttikia.jpg
2012/12/13
berria
Gaztelarrek Nafarroa konkistatu zutenetik bost mende pasa dira dagoeneko eta Nafarroa Bizirik ekimenak urtean zehar hainbat ekimen antolatu ditu, Nafarroa bizirik dela aldarrikatzeko. Horien artean, Lib-Dub herrikoia egingo dute Iruñean maiatzaren 13an.

Ekainaren 16an Martxa Nazionala eta Jaialdia antolatu du Nafarroa Bizirik ekimenak, 500 urtez konkistaturik egon arren Nafarroa bizirik dagoela aldarrikatzeko. Horren aurretik berriz, hitzordu garrantzitsua antolatu dute maiatzaren 13an, Iruñeako Alde Zaharrean grabatuko duten Lip-Dub herrikoian parte hartzeko.
Hitzordu orokorra arratsaldeko 16:00etan izango da eta talde gisa parte hartzeko interesa duen oro antolatzaileekin kontaktuan jartzea derrigorrezkoa izango da, eta maiatzaren 4a zehaztu dute eskakizuna egiteko azken eguna.
Era berean, Nafarroa bizirik dela adierazi nahi duten guztiei gonbitea luzatzen dio Nafarroa Bizirik ekimenak, koloredun arropak eraman, bertako bereizgarriak hartu eta maiatzak 13an izango den Lip-Dub herrikoian parte hartzeko. 

Nafarroa Bizirik: Lip-Dub herrikoia



Noiz: Maiatzak 13an, arratsaldeko 16:00etatik aurrera
Non: Iruñean
Partaideak: Bakarrik, lagunartean edo familian parte hartzeko interesa duten guztiak batetik, eta talde edo eragile gisa parte hartu nahi duten guztiek.
Talde eskakizuna egiteko: bizirik2012@gmail.com
Izen-emate epea: maiatzak 4ra bitarte
Antolatzailea: Nafarroa Bizirik ekimena


Datozen ekitaldiak:


Apirilak 18, asteazkena
Donostiako Doka Kafe Antzokian, 20:00etan
Hitzaldia: Konkistak 500 urte, deuseztatu ezin izan zuten oroimena.
Hizlaria: Sergio Iribarren Galbete, 1512-2012 Nafarroa Bizirik ekimeneko kidea
Sartagudako Kultura Etxean, 20:00etan
Hitzaldia: Konkistak 500 urte, deuseztatu ezin izan zuten oroimena.
Hizlaria: Patxi Abasolo Lopez, 1512-2012 Nafarroa Bizirik ekimeneko kidea
Apirilak 20, ostirala
Anueko Udal Etxean, 20:00etan
Hitzaldia: Konkistak 500 urte, deuseztatu ezin izan zuten oroimena.
Hizlaria: Sergio Iribarren Galbete, 1512-2012 Nafarroa Bizirik ekimeneko kidea
Apirilak 21 eta 22an
Etxarri Aranatzeko Ikastolan
Nafarroa Bizirik jaia.