Merezi al du Danny DeVito-k Donostia Saria?

2018/08/21

Hirokazu Kore-edarekin batera, badugu Donostia Saria jasoko duen bigarren izarraren izena! Zinemaldiak Danny DeVito (Neptune, Estatu Batuak, 1944) omenduko du; hala, zuzendari eta aktoreak Donostia Zinemaldiaren 66. edizioko Donostia saria jasoko du irailaren 22an (larunbata) Kursaalen.

Merezi al du Danny DeVito-k Donostia Saria?

Donostia Saria Donostiako Nazioarteko Zinemaldian ematen den ohorezko saria da. 1986an sortu zuten, Diego Galan zuzendari zela. Hasieran, sariaren helburu nagusia Zinemaldira zinema munduko izarrak erakartzea bazen ere, egun aintzatespen handiko garaikur batean bilakatu da.

Atzo bertan iragarri zuten aurtengo laudorio nagusietako bat, DeVito-k jasoko duela, baina, merezi al du sari hau?

Zer da Donostia Saria "merezi izatea"?

Urte guzti hauetan zehar sari famatua jaso dituztenen errepasoa egingo dugu:

2017: Ricardo Darín, Monica Bellucci eta Agnès Varda
2016: Sigourney Weaver eta Ethan Hawke
2015: Emily Watson
2014: Denzel Washington, Benicio del Toro
2013: Carmen Maura, Hugh Jackman.
2012: Ewan McGregor, Tommy Lee Jones, Oliver Stone John Travolta eta Dustin Hoffman
2011: Glenn Close
2010: Julia Roberts
2009: Ian McKellen
2008: Antonio Banderas, Meryl Streep
2007: Richard Gere, Liv Ullmann
2006: Max von Sydow, Matt Dillon
2005: Willem Dafoe, Ben Gazzara
2004: Annette Bening, Jeff Bridges, Woody Allen
2003: Robert Duvall, Sean Penn, Isabelle Huppert
2002: Jessica Lange, Bob Hoskins, Dennis Hopper, Francis Ford Coppola
2001: Julie Andrews, Warren Beatty, Francisco Rabal
2000: Michael Caine, Robert De Niro
1999: Anjelica Huston, Fernando Fernán Gómez, Vanessa Redgrave
1998: Jeanne Moreau, Anthony Hopkins, John Malkovich
1997: Michael Douglas, Jeremy Irons
1996: Al Pacino
1995: Lana Turner, Anthony Quinn
1994: Susan Sarandon, Catherine Deneuve
1993: Robert Mitchum
1992: Lauren Bacall
1991: Anthony Perkins
1990: Claudette Colbert
1989: Bette Davis
1988: Vittorio Gassman
1987: Glenn Ford
1986: Gregory Peck

Zalantza izpirik gabe, zotina kentzeko moduko izenak, baina bueltatu gaitezen DeVito jaunaren gaira.

Merezi al du saria, bai ala ez?

Ia bost hamarkadako ibilbide duen aktorea dugu. Urte guzti hauetan, zineman, antzerkian eta telebistan aritu da aktore eta zuzendari gisa istorioak pantailaratzen, edo produktore gisa proiektuak babesten. Aktore ona ala kaxkarra iruditu, argudio sendoena eta garrantzitsuena, bere ibilbidearen errepasoa egitea izaten da. Berak antzeztutako film ospetsuenen artean : One Flew Over the Cuckoo's Nest (1975), Romancing the Stone (1984), The Jewel of the Nile (1985), Ruthless People (1986), Throw Momma from the Train (1987), The War of the Roses (1989), Batman Returns (1992), Hoffa (1992), The Rainmaker (1997), eta L.A. Confidential (1999) topatu daitezke.

Egia da ikusle orokorrarentzat, Arnold Schwarzeneggerren bikia gorpuzteagatik eta Batmanen etsaiarena egiteagatik ezaguna egin dela bai, baina zuzendari erraldoien aginduetara ere lanean aritu da: Sofia Coppola, Brian de Palma, Robert Zemeckis, Milos Forman, Francis Ford Coppola eta Tim Burton besteak beste.