Masuleh

Masuleh herrian aurki daitekeen arkitektura bakana da mundu zabalean. Iran iparraldean kokatuta dago, mendien magalean, eta etxebizitzak eraikitzeko modu berezia erabili dute duela 1.000 bat urte herria sortu zutenetik: eraikin guztiak bata bestearen gainean mailakatuta eraiki dituzte. Horrela, beheko mailan dauden etxeen sabaiak maila bat gorago daudenen terrazak edo aurreko kaleak dira. Arkitektura bereizgarri horren arrazoietako bat zera da: inguru horretan behelainoa ohikoa denez, etxeak lautadan eraikiz gero eguzkia ikusteko aukerak urriak liratekeela. Zeinbaitek Brasilgo favelekin konparatzen duen arren, etxeen egiturak ez du zerikusirik.