Maiatzaren 12ra bitarte euskal literaturaren erakusleihoa izango da Bartzelona

Bartzelonako Euskal Etxeak antolatuta, Universitat de Barcelona, Universitat Autonoma de Barcelona eta bertako HIzkuntza Eskola Ofizialaren elkarlanean  Literaldiaren zortzigarren edizioa hasiko da gaur.

---

Datozen  30 egunetan, gaurtik –apirilak 11– maiatzaren 12a bitarte, euskal literaturaren erakusleiho bilakatuko da Bartzelona. Liburu aurkezpenak, mahai-inguruak, kontzertuak, ikuskizunak, bertsoariak eta hamaika ekitaldi gehiago nagusituko dira, besteak beste.
Literaldia jaialdiaren etorrerarekin batera, sarearen abantailak ere aprobetxatu nahi izan dituzte antolatzaileek. Twitter izango da ekimen horien oinarria eta gaurtik hasita, abian dira mikroipuinen eta ipuin erraldoiaren lehiaketa.
Euskaraz zein katalanez #mikroipuina eta #mikroconte hashtagak etabilita  140 karaktereko mikroipuinak idaztea izango da lehen lehiaketa honen muina. Muga bakarra karaktere kopurua izaki edozein gaiaren inguruan idazteko aukera izango dute parte hartzeko interesa duten guztiek eta Bartzelonako Euskal Etxeko jatetxean bi lagunentzako afaria jasoko du irabazleak.
Mikroipuinen lehiaketarekin batera, partaide guztien artean #ipuintzarra edo #megaconte ipuin kolektiboa sortzeko ekimena ere abian da gaurtik aurrera. Hashtag horiek erabilita Literaldiak irauten duen 30 egunetan zehar ipuin erraldoia eraikitzeko ekimena, besteak beste. Dagoeneko @Euskaletxeabcn kontuak #ipuintzarra eta #megaconte hashtagak erabili ditu istorioaren hasiera zabaltzeko eta partaideek horren jarraipena erabakitzeko aukera izango dute. Ipuin erraldoian parte hartuko dutenen artean ere, Euskal Etxeko jatetxean bi lagunentzako afaria eta aurtengo Literaldiako produktu baten zozketan sartuko dira.