Los amantes pasajeros

Dramak alde batera utzi eta kutsu surrealistadun komedia beltza dakar Pedro Almodovar zuzendari espainiarrak. Tripulazio ezin bereziagoa duen hegaldi bateko komeriak ditu kontagai filmak eta Espainiako aktore arrakastatsuenak biltzen ditu, tartean, Carlos Areces, Hugo Silva, Maria Leon, Guillermo Toledo, Blanca Suarez edota Miguel Angel Silvestre. Kameoak egingo dituzte, aldiz, Penelope Cruzek eta Antonio Banderasek.