Kimuak katalogoko film laburren emanaldiak Gasteizen, Donostian eta Bilbon
Testua: Maitane Legarreta Etxezarreta
@mailegetx
Kimuak katalogoa osatzen duten film laburren emanaldiak egingo dituzte Gasteizen, Donostian eta Bilbon gaurtik larunbatera bitartean. Iazko katalogoko lanak izango dira ikusgai, eta Esther Cabero ekimenaren zuzendariak berak aurkeztuko ditu.
Honako film hauek proiektatuko dituzte:
- Azaletik azalera (Mel Arranz)
- Berak baleki (Aitor Gametxo)
- Heltzear (Mikel Gurrea)
- Resonancias (Iñigo Aranburu)
- Trumoiak (Iker Maguregi)
- Ur azpian lore (Aitor Oñederra)
- Zerua blu (Lur Olaizola)
Gaur Gasteizko Artium Museoan izango da emanaldia, bihar Donostiako Tabakaleran, eta etzi, larunbata, Bilboko Arte Ederren Museoan. Saio guztiak 19:00etan izango dira.
Etxepare Euskal Institutuak Euskadiko Filmategiarekin batera kudeatzen duen Kimuak programak, euskal film laburren sustapena eta banaketa du helburu. Film labur hauek Donostiako Zinemaldian hasi zuten ibilbidea, eta geroztik mundu osoko ehun zinemaldi baino gehiagotan ikusi ahal izan dira bertako lanak. Jaialdietatik pasa ostean, publiko zabalari zuzendutako lehen proiekzioak izango dira datozen egunetakoak.
