IV. Iparragirre Rock&Rallya ekainaren 12an Gernikan

Arratsaldeko 17:00etan hasi eta gaueko ordu txikitaraino musika eta parranda nagusi izango dira Astrako aparkalekuan.

---

“EzKultura gutxiago eta lokal gehiago!” diote antolatzaileek.
Musika dute aldarri eta, horregatik, laugarren urtez, kontzertua antolatu dute datorren ekainaren 12rako. Arratsaldeko 18:00etatik aurrera, Apurtu Arte, Hits, Bertan Bera, The Riff Truckers eta Gatibu taldeak ariko dira Astrako aparkalekuan. Lehenago, baina, 17:00etan, omenaldia egingo diote Iparragirreri Merkurio alboan dagoen estatuan, eta trikipoteoa ere bai.
Joxpa taldearen eskutiko erromeriak luzatuko du gero parranda. On egin!