Itziar Alonso: "Eguzkia hartzea denbora pasa txotxoloa da"

Itziar Alonso: "Eguzkia hartzea denbora pasa txotxoloa da" https://www.gaztezulo.eus/albisteak/itziar-alonso-quoteguzkia-hartzea-denbora-pasa-txotxoloa-daquot/@@download/image/75-p56.ItziarAlonso1.jpg
2012/12/13
elkarrizketa
Oarsoaldeko bailarakoa sentitzen da. Mendiko igoeretako auto-gidaria. 31 urte. Autoekiko zaletasuna txiki-txikitatik datorkio: "Ni garajean hazi nintzen, torloju eta koipe artean". Giza Zientziak eta Enpresa ikasketak egin ditu. "Haurtzaroan, aitaren magalean autoa gidatzea gustatzen zitzaidan", dio. Tunninga ez du batere gogoko.

-Sukaldean. Zer prestatuko zenuke? Haragi gisatua, albondigak


-Komunean. Zer irakurtzen duzu? Psikologia liburuak.

-Ohean. Ametsgaiztoa. Katuzalea naizenez, nire katuei zerbait   gertatzea.



-Telebista aurrean. Zer ikusten duzu? Animaliei buruzko dokumentalak.

-Igogailuan. Norekin ez zenuke topo egin nahi?  Zerbait txarra egin nahi duen edonorekin.



-Dutxan. Zer kantatzen duzu? Opera kanten pasarteak: Rigolettoˇ Baita Oskarbi taldearen abestiak ere.

-Larrugorritan. Non? Hondartzan.



-Lanean. Zer gorroto duzu? Kontrola, sormena ezabatzen baitu.

-Oporretan. Nora ez zinateke itzuliko? Jendetza dagoen lekuetara.



-Parrandan. Noiz pasatu zenuen gaizki?  Alkohola azken aldiz probatu nuenean!

-Mendian. Ez da arriskutsua? Natura lagun izanda, ez horrenbeste.



-Hondartzan. Zergatik da aspergarria? Orduak eguzkitan pasatzea denborapasa txotxoloa da.

-Kiroldegian. Zein kirol? Igeriketa.

-Kontzertuan. Zein talde? Edozein abesbatza.

-Liburutegian. Zein liburu? Automobilismoari buruzkoak.


-Gaztetxean. Noiz azken  aldiz? Ez naiz gogoratu ere egiten.

-Elizan. Noiz azken aldiz? Uf! Hileta elizkizun batean.


-Kanposantuan. Zer idatzi beharko lukete zure hilarrian? Pertsonak, katuak, abesbatzak eta rallyak atsegin zituen.

-Zeruan. Non? Bakoitzaren baitan. Norberaren zorionean.


-Infernuan. Non? Pertsonek sortzen ditugun paranoietan.