Igandean Senperen 'Elkartuz zabaldu'

Igandean –maiatzak 13– izango da Senperen Iparraldeko Ikastolen urteroko hitzordua eta eguraldiaren iragarpena lagun, milaka euskaltzale gerturatuko dira Seaskak antolatzen duen festan elkartuz zabaltzera.

---

Herri Urratsek 29 urte betzen ditu aurtengo edizioan, eta ibilbidea, azken urteetan bezala, guztira bost gunek osatzen dute. Nafarroak, Lapurdik, Arabak, Gipuzkoak eta Haurren Xokoak, besteak beste. Ateak goizeko 10:00etan zabalduko dituzte eta ilunabarrera bitarte adin guztietarako hamaika ekitaldi izango dira Senperen.
Helburua, pasa den urteko –eta datorreneko– bera izango da, Senperen elkartuko diren milaka euskaltzaleen partaidetzari esker, Xalbador Ikastolako obrak finantzatzeko dirua lortzea, eta horretarako egitarau oparoa antolatu du, bertze behin Seaska Elkarteak.
Bertsolariak, mutxikoak, batukada, eta musika hitzorduak ez dira faltako Senpereko aintziran. Horien artean azpimarratu daitezke, Gose, Kukai, Obrint Pas, Anje Duhalde edo Su ta Gar bezalako taldeen emanaldiak, eta GAZTEZULO ere bertan izango da.