Hiltzeko makinak
11.200 kilometroko distantziatik kontrolatzen dituzte drone hegazkinak. Ez dute piloturik behar: New Yorketik 380 kilometrora dagoen Sirakusako base militarretik emandako aginduek bideratzen dute aparailua. Indar handiko kamerei esker, bertan balego bezala ikusten du lurrazala bulegoan dagoen pilotuak. Etxetik irten gabe bidaiatzeko tramankulu polita zitekeena, ordea, hiltzeko makinatzat du Pentagonoak.