Harkaitz Zubiri eta Kattalin Miner literaturaz Intxaurrondon

Intxaurrondoko Plazara Goaz euskara elkartearen eskutik, aurtengo Literatura plazara jarduerak bi gonbidatu izango ditu; Kattalin Miner eta Harkaitz Zubiri. Idazle gazteek beren liburuen berri emango dute, eta egungo errealitatearen bueltan egiten dituzten irakurketez arituko dira.

Hauek dira datak: urtarrilaren 25ean, Etxekalte liburuaz ariko da Harkaitz Zubiri; eta, otsailaren 22an, Nola heldu naiz ni honaino lanaz jardungo da Kattalin Miner. Intxaurrondo kultur etxean egingo dituzte saioak, 19:00etan, eta Iratxe Retolazak gidatuko ditu. Sarrera librea izango da; liburuak irakurri ez badituzu ere, animatu!