Giza eskubideei buruzko proiekzioak eta solasaldiak, Gasteizen

'Giza Eskubideen Muga XXI. mendean' zikloa antolatu dute bigarren urtez Montehermoso kulturunean. Zazpi dokumental pantailaratuko dituzte, eta proiekzioak solasaldiekin lagunduko dituzte.

---

Bihar, asteazkena, izango da lehen proiekzioa: 'It's elementary' (Debra Chasnoff, AEB 1996) dokumentala. Hezkuntzaren esparruan homofobia baztertzeko deia egiten du lanak; hots, haur eta gaztetxoekin nola hitz egin gay eta lesbianen eskubideak bermatzeko. Ablazioa pairatzen duten emakumezkoak eta elikadura industria lehen munduan izango dira zikloaren beste gaietako batzuk.