Gen Z 1.O eta 2.0: Z belaunaldiaren barruko bi azpitaldeen ezberdintasun nagusiak
1997tik 2012ra arteko tartean jaiotakoek osatzen dute Z belaunaldia, eta askotan talde homogeneo modura hartzen bada ere, Edelman-ek Estatu Batuetako gazteak aztergai hartuta egindako The Great Gen Z Divide txostenaren arabera, badira ezberdintasunak. Bi talde bereiztu ditu belaunaldi horren barruan: Gen Z 1.O, komunitarioagoa eta aktibistagoa omen dena, eta Gen Z 2.O, eszeptikoagoa eta algoritmoaren arabera moldatua.
Ikerlanaren arabera, belaunaldi horretako zaharrenak, 23 eta 29 urtekoak, mugimendu progresisten eta instituzio eta markekiko konfiantza handiagoa zegoen garaian hazi ziren. Gazteenek, 13 eta 22 urtekoek, pandemiaren, TikToken algoritmoaren eta gehiegizko informazioaren garaia bizi izan dute. Hori dela eta, azken hauek fidagatzaigoak eta eszeptikoagoak, indibidualistagoak eta fidelizatzeko zailagoak omen dira.
Gen Z 1.O-ko kideek parte-hartze handiagoa izaten dute komunitate digitaletan, markek errealitatea alda dezaketela uste dute eta kausa sozialetan aritzen dira. Konfiantza izaten dute harik eta huts egin edo traizionatzen dituzten arte.
Gen Z 2.0-ko kideek, berriz, ironia, memeak eta narratiba azkarrak izaten dituzte bidelagun, eta eszeptiko samarrak izaten dira, fida daitezkeela ikusi artean behintzat. Kulturaren berri ematen dien algoritmoaz ere ez dira fio.
Ikerketaren txostenean azaltzen denez, gazteenek gero eta joera kontserbadoreagoak dituzte, zaharrenek ez bezala. Genero kontuetan ere bada aldea, izan ere mutil gazteen artean feminismoarekiko babesa adin tarte horretako neskena baino hogeita bat puntu baxuagoa baita. Gen Z belaunaldiko gazteen %72k adimen artifizialera jotzen du gutxienez astean behin, eta plataformetako kodigo kulturalek eragiten dute haiengan.
Z belaunaldikoen %65ak erabiltzen dituen marketan konfiantza du, baina komunikabideetan ez hainbeste, %56a besterik ez baita. Enpresekiko konfiantza sentitzen dutenak, berriz, %55a da. %72ak markek hobeto sentitzen lagunduko dietela espero dute, eta %66k gauza onak egiteko baliabideak edo tresnak ematea nahi dute. %58k markak komunitate sentimendua eskaintzeari ematen dio garrantzia.
