Gehituk gaualdi berezia antolatu du inauteri larunbaterako

Lesbiana, gay, transexual eta bisexualen elkarteak 'Gurutze Arrosako Neskak' izenburupean mozorro festa egingo du hilaren 13an Egiako Jareño Kultur Etxean. 

---

Ateak 23:30ean zabalduko dituzte eta sarrerak bertan izango dira salgai 12 eurotan. Hala ere, badago aukera sarrerak aldez aurretik eskuratzeko Gehituk Donostiako Arrasate kaleko 51. zenbakian duen egoitzan 9 euroren truke.
Festak luze joko duela aurreikusten dute eta goizeko 05:00etatik aurrera hurbiltzen direnei 6 eurotan salduko diete sarrera.