GARIKOITZ ARROYO: “Jaialdi orgiastiko batean gustura parte hartuko nuke”

GARIKOITZ ARROYO: “Jaialdi orgiastiko batean gustura parte hartuko nuke” Garikoitz Arroyo hondarribiako Horzdun taldeko bateriajolea da eta Gorpuzkingz taldeko Zakil Onilen izugarrizko antza ere badu (tatuaje berdinak barne); ez dakigu ordea senitartekoak diren ala ez. Musikariaren oheko kontuez aldiz, gauza dezente jakin ditugu, ezagutu nahi? https://www.gaztezulo.eus/@@site-logo/logoa.png
2020/12/30
Garikoitz Arroyo hondarribiako Horzdun taldeko bateriajolea da eta Gorpuzkingz taldeko Zakil Onilen izugarrizko antza ere badu (tatuaje berdinak barne); ez dakigu ordea senitartekoak diren ala ez. Musikariaren oheko kontuez aldiz, gauza dezente jakin ditugu, ezagutu nahi?

 

  • Noiz eman zenuen zure lehen muxua?
    Ba Euskal Herriko gehienok bezala: udalekuetan.
  • Zein da ligatzeko erabili duzun trikimailurik onena?
    Jakinda pertsona ezezaguna zela, beregana gerturatu eta agurtu esanez ustez beste pertsona bat zela. Hau da: “Zu ez dakit zeinen arreba zara, ezta?”
  • Inoiz erabili al dituzu zure abeslari dohaiak ligatzeko?
    Ez, autotunerik gabe ez naiz inor. Baina kontzertuetan ligatu izan dut nire dohai pertsonalei esker (hori edo ospearen lilura).
  • Ze menu prestatuko zenuke lehen zita batean?
    Mahats likidoak: ardo txuriaren berotasunak biziki laguntzen du...
  • Argia piztuta ala itzalita?
    Piztuta! Edertasuna agerian utzi behar da!
  • Maniarik ba al duzu oheratzerakoan?
    Amaitu ondoren hortzak garbitu behar ditut eta Listerine-rekin gargarak egin.
  • Inoiz harrapatu al zaituzte jo eta su?
    Askotan. Azkeneko aldian nire pisukideak harrapatu gintuen egongelan parrandatik bueltan...

  • Aurreko beroketak; bai ala zuzenean ekintzetara?
    Bai! Motorra abian jartzeko ezinbestekoak dira erritualak!
  • Zein da zure fantasiarik zoroena?
    Zoroa ez da, baina jaialdi orgiastiko batean gustura parte hartuko nuke.
  • Larrutan egin duzun lekurik gogokoena?
    Gogokoena ez, baina bitxiena eliza bateko arkupeetan edo Kontxako hondartzan…
  • Zein da inoiz egin dizuten proposamenik zoroena?
    Alsa autobus batean txortan egitea bidaia batean.
  • Sexuan izan duzun esperientziarik gozagarriena?
    Egiten dudan aldiro da gozagarriena...
  • Eta traketsena?
    Behin txortan nengoela etxe zahar batean, zorua apurtu zen eta oina zulo batean sartu nuen. Bertan behera geratu zen emanaldia...
  • Inoiz probatu al duzu kontsoladore edo antzeko gailurik?
    Bai, askotan… norbaitek ez ditu erabiltzen ala?
  • Grabatu al duzu inoiz zeure burua larrua jotzen?
    Jakina! Revolution must be televised! Euskarazko pornoa existitzen ez denez, norberak egin behar du berea...
  • Eta sekula probatuko ez zenukeena?
    Orratzak zakil puntan jartzea eta horrelako gauzak...
  • Bereziki gomendatuko zenukeen sexu jarreraren bat?
    Zalantzarik gabe 69a. Txortan egitea bezain eraginkorra da eta joystick baten laguntzarekin nahi duzun punturaino iritsi zaitezke...