Fish tank

Miak hamabost urte ditu eta ez da nerabezarorik errazena igarotzen ari. Egoera are dramatikoagoa bihurtuko da amak etxera mutil-lagun berria daramanean. Ken Loach zuzendariaren estilo errealistari jarraiki, seme-alaba eta gurasoen arteko harremanak, eta mugan bizi den jendearen hauskortasuna erakusten ditu Arnoldek, inoren begirunea lortzeko asmorik gabe, gordinean. Azpimarratzekoa Katie Jarvis  hasiberriaren lana.