FEIS-food: Facebook + gastronomia

FEIS-food: Facebook + gastronomia https://www.gaztezulo.eus/albisteak/feisfood-facebook--gastronomia/@@download/image/201010283288facebook_logo.jpg
2012/12/13
berria
Edo face-afari, nahiago duzuen bezala. Hirugarrenez antolatu dute Igor San Romanek, Saioa Ortizek eta Fernando Canalesek FEIS-food ekimena. Helburua, hauxe: facebook zaleak toki jakin batean elkartzea, bertan nork bere esparruko jendea ezagutu dezan.

Aurreko bi alditan Bilbon egin dute. Gaur, Donostian, Bilbon eta Gasteizen izango da, ordu berean. Bilbon Barcelo Avenidan izango da; Donostian, Costa Vasca hotelean eta Gasteizen Barcelo Gasteizen. Bertan elkartuko diren guztiak facebook zaleak dira. Parte hartzaile bakoitzak sartzean jakinaraziko die antolatzaileei zer esparrutan diharduen. Hartara, arlo edo eremu berean dabiltzan beste facebook zaleekin hartu emanean jarri ahal izango da iritziak trukatzeko; Networking, alegia. Adibide bat jartzearren, saltzaile diharduena lan berean aritzen direnekin  harremanean jarriko da, aurrez aurre. Eta eztarria bustitzeko eta sabela bebetzeko afaria antolatu dute, 15 euroren truke. Oilaskoa hainbat eratan sukaldatuta jan ahalko dute denek.
"Harremanak saretik esparru pertsonalera eraman nahi ditugu", esan dute antolatzaileek.