Entzumenezko gailua duen Barbie panpina
Mattel jostailu marka ezagunak entzumenezko gailua duen lehen Barbie panpina kaleratu du, panpina inklusiboen bildumaren barruan.
Bilduma honetan jada badago gurpildun aulkian dagoen Barbie-a, bitiligoa duena, protesiduna eta ilerik gabea, beste askoren artean.
Erakundeak hauxe adierazi du: "Harro gaude entzumenezko gailua duen Barbie-a aurkezteaz. Honekin, haurrei errealitate ezberdinak irudikatzeko aukera eman nahi diegu".
Modu honetan, marka ezagunak, estereotipoekin hautsi nahi izan du, munduan dagoen dibertsitatea beren produktuetan islatuz; izan azal kolore ezberdinak merkaturatuz, ile mota ezberdinak, garaierak edo proportzio askotarikoak.
Barbie 1959. urtean merkaturatu zuen lehengoz Mattel-ek. Bere sortzailea Ruth Handler izan zen eta panpina ezagunaren izena bere alaba Barbararen omenez jarri zion.