Emma González, AEBetako armen aurkako borrokaren heroia

Emma González, AEBetako armen aurkako borrokaren heroia 18 urte ditu, kubatarra, emakumea eta bisexuala da, eta harro erakusten du bere izaera; Parklandeko tiroketan bizirik irten ondoren, 'March for our lives' mugimenduaren aurpegia da. https://www.gaztezulo.eus/albisteak/emma-gonzalez-aebetako-armen-aurkako-borrokaren-heroia/@@download/image/emmagonzalez-980x440.jpg
2018/03/28
berria
18 urte ditu, kubatarra, emakumea eta bisexuala da, eta harro erakusten du bere izaera; Parklandeko tiroketan bizirik irten ondoren, 'March for our lives' mugimenduaren aurpegia da.
Emma González, AEBetako armen aurkako borrokaren heroia

"Sei minutu eta 20 segundo. Denbora hori nahikoa izan zen nire klase kideak hiltzeko". Hitz gogor horiekin, Emma Gonzalez March for our lives AEBetako armen aurkako mugimenduko aurpegiak gogor kritikatu du bere herrialdean armekin duten arazo larria. Floridan aurreko hilabetean izan zen tiroketan bizirik irten zen Gonzalez, baina bere 17 klase kidek ez zuten zorte bera izan. Orain, armen aurkako borrokan dabil buru-belarri.

 

 

18 urteko ikasle kubatarrak harrotasunez erakusten ditu bere etorkin jatorria eta bere bisexualtasuna; hala, armen aurkako borrokan ahotsik indartsuenean bilakatu da. Time aldizkariko azala izan da, eta zuzenean Trump presidenteari hitz egin dio hainbat mitinetan.

 

 

Armen aldekoek iseka arrazista eta homofoboak bota dizkiote, baina Gonzalez ez dago isiltzeko prest; AEBetako armen legea aldatzeko prest dago. Lortuko ote du?