Drogazale eta lapurra

Ewan McGregor aktorea denetik eginda dago, baina bereziki ondo aritu da drogazale paperetan (Trainspotting, Danny Boyle, 1996). Orain, heroinaren atzaparrei ihes egin ezinik dabilen pertsonaia bat jokatuko du, duela hogei urte pasatxo Kalifornian sona handia izan zuten gertakariak oinarri hartuta: 80ko hamarkada hasieran, Eddie Dodson yonkiak 72 banketxe ostu zituen Los Angeles inguruan heroina gosea asetu ahal izateko. McGregorek jokatuko du Dobson jauna.   

---