Charlie and the Chocolate Factory ***
The Planet of the Apes zientzia-fikziozko harribitxiaren bertsioarekin estropezu egin ondoren, bide onera itzuli zen Tim Burton zuzendaria Big Fish irudimentsuarekin. Charlie and the Chocolate Factory pelikula ere ederra denik ezin ukatu. Roald Dahl idazlearen izenburu bereko ipuinaren egokitzapena da. Familia apal bateko semea da Charlie Bucket gaztetxoa, eta maiz egiten du amets eskuratu ezineko txokolatearekin. Karanbola harrigarri baten ondorioz, Wonkas txokolate faktoriara gonbidatuko dute mutikoa, eta han ezagutuko du Willy Wonka gozogile bitxia. Haurrei zuzendutako komedia atsegin eta entretenigarria da.
