Bridget Jone’s Diary (El diario de Bridget Jones / Le journal de Bridget Jones) ***

Bridget Jone’s Diary (El diario de Bridget Jones / Le journal de Bridget Jones) *** https://www.gaztezulo.eus/albisteak/bridget-jones-diary-el-diario-de-bridget-jones--le-journal-de-bridget-jones/@@download/image/9p40-5.jpg
2012/12/13
kritika
Testua: Iñaki Lazkano
Aktoreak: Zuzendaria: Sharon Maguire. Aktoreak: Renee Zellweger, Hugh Grant, Colin Firth. Generoa: komedia erromantikoa. Herrialdea: Erresuma Batua / Frantzia. Urtea: 2001. Iraupena: 97 minutu.
Helen Fielding idazle britaniarraren lumak sortu zuenetik emakume askorentzat eredu bilakatu da Bridget Jones. Hogeita hamar urte inguru ditu, lodi samar dago eta neurotikoa da oso. Benetan merezi duen gizon bat aurkitu nahi luke, baina horrek misio ezinezkoa dirudi  gaur egun. Gizonezkoek maitasuna eta sexua nahasteko ohitura baitute. Lan egiten duen komunikazio enpresako burua da, gainera, morroi guztien artean okerrena. Baina, tamalez, Bridgetek hura maite du. Sharon Maguire zuzendariaren estreinako film atsegin honek mundu osoko ikusleen onespena erdietsi zuen. Gozoegia da beharbada, baina barre apurtxo bat egiteko egokia izan daiteke.