“Bar Puerto”

Kirmen Uribe idazlearen kontzeptu-ideia oinarri, Mikel Urdangarin eta Bingen Mendizabal luxuzko lantaldearekin aritu dira. Itsasodun herriek zerbait berezia dute, kai inguruko tabernetan hitzetik hortzera loditzen diren kondaira eta istorioak, esate baterako. Hori nolabait diskoan dago islatuta, "Biluzik" abestiaren erritmo magikoan edo "Urriko poema" ederrean. Folk musikak hainbatetan lagun izan dituen biolin, mandolina eta soinu txikiek aparteko lana bete dute Mendizabalen beraren eta Josu Zabalaren eskuetan.