Badatoz Eibarko Antzerki Jardunaldiak

Badatoz Eibarko Antzerki Jardunaldiak https://www.gaztezulo.eus/albisteak/badatoz-eibarko-antzerki-jardunaldiak/@@download/image/eibar_antzerki__1393320867.jpg
2014/02/25
berria
Eibarko Antzerki Jardunaldien edizio berri bat abiatuko dute martxoaren 8an Markeliñeren ‘Kapsulak’ ikuskizunarekin. Hogeita hamazazpigarren edizioak apirilaren 13ra bitarte iraungo du, eta haur, gazte eta helduentzako lanak barneratuko ditu, euskaraz eta gazteleraz.


Hogeita bi emanaldi bilduko dituzte aurten Eibarko Antzerki Jardunaldiek, eta teatroaz gain, herrian udazken partean egiten den Asier Errasti film laburren jaialdiaren azken edizioan aurkeztutako lanak ere proiektatuko dituzte. Hain zuzen ere, hilaren 27an izango da, 17:30etik 21:00era Hezkuntza Esparruan.

Jardunaldiak martxoaren 8an, larunbata, abiatuko dituzte, eta hilabete oso batez luzatu, apirilaren 13ra bitarte. Euskal produkzioen artean, aipagarriak dira Markeliñeren Kapsulak, martxoaren 8an Coliseoan ikusgai izango dena, 17:00etan; Karrika Antzerki Taldearen Inungane sustraiak airean lana, hilaren 16an Hezkuntza Esparruan aurkeztuko dutena; Ttanttakak hilaren 24an Coliseoan eskainiko duen Zazpi aldiz elur obra; edota iaz Dejabu, Le Petit Theatre de Pain eta Artedramak elkarlanean aurkeztu zuten Hamlet obra, apirilaren 10ean Coliseoan ikusgai izango dena, 20:30ean.

Antzerkiaz gain, haurrentzako magia-saioak ere ez dira faltako, eta estatutik etorritako konpainiek ere listoia igoko dute. Madrilen ezagun egin den Asier Etxeandia bilbotarrak El Intérprete antzezlana aurkeztuko du, esaterako.

Datorren hilabetean, beraz, izango da zer ikusi Eibarren, animatu!

Egitarau osoa


Martxoaren 8an, 17:00etan Coliseoan
Markeliñeren Kapsulak

Martxoaren 12an, 20:30ean Coliseoan
Factoria Madre Constriktorren El Intérprete

Martxoaren 13an, 17:30etik 21:00etara Hezkunta Esparruan
Coriolanus zine emanaldia

Martxoaren 14an, 20:30ean Coliseoan
Cirque Légumeren The Cirque de Légume

Martxoaren 16an, 20:30ean Hezkuntza Esparruan
Karrika Antzerki Taldearen Inungane sustraiak airean

Martxoaren 17an, 20:30ean Hezkuntza Esparruan

Histrión Teatroaren Juana la Loca

Martxoaren 19an, 20:30ean Coliseoan

Laurentzi Produccionesen Cuarteto del Alba

Martxoaren 20an, 20:30ean Coliseoan
Pentaciónen Conversaciones con mamá

Martxoaren 21ean, 20:30ean Coliseoan
Pentaciónen Conversaciones con mamá

Martxoaren 23an, 20:30ean Hezkuntza Esparruan
Mirandez Produccionesen La anarquista

Martxoaren 24an, 20:30ean Coliseoan

Ttanttakaren Zazpi aldiz elur

Martxoaren 25ean, 20:30ean Hezkuntza Esparruan

Juan Tamarizen Magia Potagia

Martxoaren 27an, 17:30etik 21:00etara Hezkuntza Esparruan
Asier Errasti film laburren zikloa

Martxoaren 29an, 20:00etatik 22:30era Hezkuntza Esparruan
Joaquín Reyesen Que me aspen

Martxoaren 30ean, 20:30ean Hezkuntza Esparruan
Arrojoscénicoren Queremos ser los Seseman

Apirilaren 1ean, 20:30ean Coliseoan
Producciones Sexpeareren Sexpearemente

Apirilaren 3an, 20:30ean Coliseoan
Teatro del Nóctambuloren Áyax

Apirilaren 5ean, 17:00etan Coliseoan

Teatro Mutisen El Sótano encantado

Apirilaren 7an, 20:30ean Hezkuntza Esparruan
La Zarandaren El régimen del pienso

Apirilaren 9an, 20:30ean Coliseoan

Ara Malikian & La Orquesta en el tejado

Apirilaren 10ean, 20:30ean Coliseoan
Artedrama, Dejabu eta Le Petit Theatre de Painen Hamlet

Apirilaren 13an, 20:30ean Coliseoan
369 Gradi Produccionesen Giulio Cesare