Badator Hatortxu Rock 12!

Badator Hatortxu Rock 12! https://www.gaztezulo.eus/albisteak/badator-hatortxu-rock-12/@@download/image/2011138229hatortxu_12.jpg
2012/12/13
berria
Elkartasun jaialdia urtarrilaren 7an eta 8an izango da Zizur Nagusian. 

Kokalekua ez ezik –iaz Atarrabian izan baitzen– bi eguneko egitaraua eskaintzea da aurtengo berritasuna. Euskal preso politikoek bizi duten egoera salatzea helburu duen musika jaialdiak ostiralean eta larunbatean igoko ditu momentuko talde onenetakoak oholtza gainera.

Ostiralean, hilak 7, Zea Maysek eta Sorkunek emango dute kontzertua 21:30etik aurrera. Hasierako karteletan Kerobia taldea ageri zen, baina boskoteak datozen asteotako kontzertuak bertan behara utzi behar izan ditu kide batek lesioa izan duelako. Hatortxun Sorkunek ordezkatuko ditu.

Larunbatean, ordea, guztira zortzi talde ariko dira oholtza gainean arratsaldeko 18:00etatik aurrera: Vomito, Vendetta, Kaotiko, Gatibu, Berri Txarrak, ZTK Rap, Governors, eta gaua amaitzeko, dantzaldia Amaiur taldearen eskutik. Ondoren, ohi bezala, Djak. Aurtengoan, Elepunto, Jo ta txo eta Nari ariko dira.

Sarrerak salgai daude www.hatortxurock.org webgunean zehazten diren tokietan.

Ostiraleko sarrera: 12€ / 15€
Larunbateko sarrera: 20€ / 24 €
Bi eguneko bonoa: 25 €