“Back to mine”

1999ko "Temperamental" disko ederraren ondorengoa prestatzen duten bitartean, Ben Watt eta Tracey Thorn ingelesek zenbait nahasketa ariketa biltzen dituen lana plazaratu dute. Beth Orton-en "Stars all seem to weep" eta The Roots Philadelphiarren "Silent treatment" kantuak dira, besteak beste, euren eskuetan Chill-out ukitua areagotzen dutenak. Astero-astero Londresko Lazy Dog izeneko kluba izaten da EBTG-en DJ lanen lekuko, ez dira, beraz, atzo goizekoak honelako eginkizunetan. Lanik finena Amanda Project taldearen "Cascades of colour" abestiaren erremixan egin dute.