Aurpegia estaltzen duen beloa debekatu dute Suitzan
2021/03/08
Ane Urrutikoetxea @aneurruti
Burka edota niqab-a ezingo dira herrialdeko espazio publikoetan eraman.
Suitzan erreferendum bidez erabaki dute aurpegia estaltzen duten beloak debekatzea; hala, %52,7 aldeko botoekin, hemendik aurrera herrialdean bizi diren emakume musulmanek ezingo dituzte burkak edota niqab-ak jantzi leku publikoetan. Erabakia konstituzioan txertatuko dute.
Debekuarekin, emakume musulmanek ezingo dute aurpegia estaltzen dioen inolako belo motarekin erabili jatetxeetan, dendetan, eskoletan edota bestelako espazio publikoetan. Debekuaren arrazoia eraso terroristak eta bestelako indarkeria kasuak ekiditea litzateke, eta horrekin batera, genero berdintasuna bermatzea, emakumeak "errepresio eta kontroletik" askatuz.
