Atmosfera garbitzeko

Atmosferaren kutsadura ingurumenaren arazo larrienetakoa da. Arazo hori konpontzeko, zuhaitz sintetiko bat asmatu du AEBetako Columbia Unibertsitateko ikerlari Klaus Lackner-ek. Fotosintesiaren pareko prozesu baten bitartez, autoek zein industriek sortutako CO2 gasaren kontzentrazioa murrizten du zuhaitz sintetiko honek. Lacknerrek dioenez, zuhaitz sintetiko bakar bat 15.000 autok urtebetean kutsatutakoa garbitzeko gauza da.