A la folie pas du tout (Solo te tengo a ti) **
Pintura ikasle gaztea da Angelique ederra, eta Le Garrec medikuarekin
maiteminduta dago. Gizona, ordea, ezkonduta dago, eta haren emazteak
haur bat espero du. Maitasun ezinezkoa dirudi. Pasio eroak bultzatuta,
trikimailurik makurrenak erabiliko ditu Angelique maltzurrak maitearen
bihotza bereganatu ahal izateko. Laetitia Colombani zinemagile
frantziarrak Audrey Tatou Amelie filmeko protagonista eta Samuel Le
Bihan aktore apartak bildu ditu estreinako filmean. Thriller kutsuko
komediatxo dramatiko artifiziala da.
