‘Ilargi Guztiak’ filmaren errodajea berriro martxan!

‘Ilargi Guztiak’ filmaren errodajea berriro martxan! Igor Legarretak bere bigarren film luzearen errodajeari ekin zion joan den otsailean, 'Cuando Dejes de Quererme' lanaren arrakastaren ondoren. Bere film berrian, egileak fantasiazko generoan murgilduko gaitu. Osasun larrialdi egoera ezarri bezain laster lan-taldeak bertan behera utzi zuen errodajea martxoan, eta hiru hilabeteren ondoren, ekainaren 1an proiektua berrartu ahal izan zuten aktore zein teknikariek. https://www.gaztezulo.eus/albisteak/2018ilargi-guztiak2019-filmaren-errodajea-berriro-martxan/@@download/image/53425756--1248x768.jpg
2020/06/08

Testua: Gaizka Izagirre @Gaizka_Izagirre

Igor Legarretak bere bigarren film luzearen errodajeari ekin zion joan den otsailean, 'Cuando Dejes de Quererme' lanaren arrakastaren ondoren. Bere film berrian, egileak fantasiazko generoan murgilduko gaitu. Osasun larrialdi egoera ezarri bezain laster lan-taldeak bertan behera utzi zuen errodajea martxoan, eta hiru hilabeteren ondoren, ekainaren 1an proiektua berrartu ahal izan zuten aktore zein teknikariek.
‘Ilargi Guztiak’ filmaren errodajea berriro martxan!

Itziar Ituño, Josean Bengoetxea eta Haizea Carneros dira Igor Legarretaren bigarren film luzearen protagonistak, baina Lier Quesada, Zorion Eguileor eta Elena Uriz aktoreek ere parte hartuko dute. Euskara hutsean filmatua, “argitasunera egindako bidaia epikoa” dela aipatu du zuzendariak eta kontakizuna fantasiaren generotik bidaiatuko duela.

Martxoan, errodajearen erdian zirela, ekoizleek filmaketa etetea erabaki zuten, osasun baldintzak onak zirenean berriro martxan jartzeko. Hori horrela, ekainaren 1ean grabaketa fasean murgildu ziren berriro eta dena ondo bidean datozen asteetan amaituko dute filmaketa. Gipuzkoan (Mutriku, Gaintza, Zizurkil), Bizkaian (Orozko) eta Nafarroan (Erratzu, Urbasa, Aldatz eta Leurtzako urtegiak) izango dira grabaketak.

Filma Arcadia Motion Pictures, Kowalski Films, Pris&Batty Films eta Ilargia Films-ek ekoiztu dute, Noodles Production ekoiztetxe frantziarrarekin elkarlanean. EiTBren eta RTVEren babesa du proiektuak, baita ICAA, Eusko Jaurlaritza eta Gipuzkoako Foru Aldundiarena ere. Filmax etxea arduratuko da banaketaz.