Zientzia eta teknologia bideo lehiaketa martxan!

Elhuyarrek, Zientzia Azoka ekimenaren barruan, gazteentzako proiektu zientifiko eta teknologikoen bideo-lehiaketa antolatu du 2020ko urrirako. Datorren urriaren 1etik 31ra, gazteek bideo zientifiko eta teknologikoak aurkezteko epea zabalik izango dute, eta banaka zein taldeka aurkez daitezke. Saria aldiz, Frantziako Futuroscope parkerako 3 bidaia izango dira, taldeko kide guztientzat.

Sari-banaketa 2020ko azaroan egingo da. Sari-banaketa presentziala izango da, baina osasun egoerak ez badu horretarako aukerarik ematen, sari-banaketa birtuala egingo da

Parte hartzeko baldintzak eta oinarriak:

• Banaka edo taldeka hartu daiteke parte (gehienez lau taldekide).
• Euskal Herriko 12-18 urteko gazteek har dezakete parte.
• Parte hartzeko FORMULARIO hau bete behar da.
• Izena emateko epea 2020ko urriaren 1etik 30era bitarte izango da zabalik.
• Bost minutu baino gutxiago irauten duen bideo labur bat aurkeztu behar da, esperimentu edo proiektu zientifiko edo teknologiko bati buruzkoa betiere.
• Gaia guztiz askea da: zientzia ikerketako proiektuak, proiektu teknologikoak, esperimentuak… hala, gazteek, egindako proiektua azaldu beharko dute, zer egin duten eta zergatik kontatuta.
• Euskaraz, gaztelaniaz edo ingelesez eginiko bideoa izan daiteke.
• Bideoak originala izan behar du, eta publiko mota guztientzako erakargarria izatea sarituko da[LFL1]. Sari-banaketan 3 sari banatuko dira. Epaimahaiak adin-tarte bakoitzeko bideo onena sarituko du: DBH1-2, DBH3-4 eta batxilergoa.