Ze plan astebururako?
Ikusi duzue zeruan agertu den suzko bola hori? Bai lagunok, eguzkia da! Iritsi da asteburuaz gozatzeko unea!
LEIOA: Tio Teronen Semeak, “Festamentua”
Bueltan dira Tio Teronen Semeak, oraingoan, ikuskizun berriarekin. Zoritxarreko egoera batean elkartzea egokitu zaio gure lagun koadrila xelebreari; hileta batean, hain zuzen ere. Bertan, pasartea ulertu nahian ibiliko dira batera eta bestera, gertatutakoa iraultzeko esperantzan. Umore, dantza eta doinu ezagunez jositako ikuskizun original bezain berritzailea.
ERREKALDE PLAZA (C2)
LARUNBATA 19 > 20:00
BOULEVARD (J2)
IGANDEA 20 > 14:00
PASAIA: Itsas Festibala
Sekulako itsas festa antolatu dute asteburu osoan Pasaia; ontzi lasterketak, bisitak, musika, ekitaldiak... L'Hermione itsasontzi ederra bisitatzeko aukera ere izango da! Lehen aldia, da Pasaiako Itsas Festibala egingo dela. Maiatzaren 17tik 21era bitarteko ekitaldia izango da, eta ondoz ondoko 5 egunetan herriko uretan elkartuko dira kontinente osoko ontzi tradizionalak.
EUSKAL HERRIA: Museoen Nazioarteko Eguna
Eguraldi ona datorrela badakigu, baina hodeiak etortzen badira badaukagu bestelako plana! Museoen Nazioarteko Eguna da ostiralean, hilak 18, eta Euskal Herriko museo guztiek ekitaldi eta bisita bereziak antolatu dituzte asteburu guztian zehar. Hemen duzue informazio guztia!
- Museoen Nazioarteko Eguna 2018, BIZKAIAn
- Museoen Nazioarteko Eguna 2018, ARABAn
- Museoen Nazioarteko Eguna 2018, GIPUZKOAn
- Museoen Nazioarteko Eguna 2018, NAFARROAn
TOLOSA: Konbenio del Metal + Potentor
Ezagutzen duzu Konbenio del Metal taldea? Bazenekien Joseba Usabiaga dela bertako abeslaria? Tolosako Bonberenean aurkituko dituzu ostiralean, hilak 18, 22:30ean. Ez galdu!!
DONOSTIA: Cycle + Olimpia
Confusion!! Cycle talde mitikoa Euskal Herrian da, eta ostiralean, hilak 18, Intxaurrondoko Kultur Etxean topatuko dituzu, 22:00etan. Mugitu ipurdia!
BIARRITZ: Fermin Muguruza & The suicide of western culture + 2ZIO
Fermin Muguruza bere disko berriaren itzulian bete-betean sartuta dago, eta Biarritzeko Atabal aretoan egongo da ostiralean, hilak 18, 21:00etan. Ez galdu!
GASTEIZ: Belako
Render Me Numb, Trivial Violence da Belako taldearen hirugarren diskoaren izena, eta Gasteizen aurkeztuko dute larunbatean, hilak 19, Jimmy Jazz aretoan, 21:30ean. Sekulako plana!
BERMEO: Arrain azoka
Asteburu osoko plana! Maiatzaren 18tik 20ra egitarau oparoa antolatu dute Bermeon, urteroko arrain azoka ospatzeko. Ez duzu galduko, ezta? Eman begiratu bat egitarauari!