You can’t leave now

60ko hamarkada bukaeran skinhead reggaearen errege bilakatu ziren Symarip, Roy Ellis abeslari bezala zebilela. 69ko uda hura urruti geratu da, baina milurte berrian bakarka jarraitzen du jamaikarrak, eta oraingo honetan Symaripen garaiko bi klasikoz osatutako singlearekin datorkigu, Transilvanians galizarrekin batera. Egia esateko, emaitza bikaina da, ska musika dotorea, Roy Ellisek ematen dion soul ukitu berezi horrekin, itsaskorra eta dantzagarria. Udari bukaera emateko doinu bikainak!